CEBU CITY-Mosang-at gihapon si preventively suspended Cebu City Mayor Michael Rama og Certificate of Candidacy alang sa umaabot nga piniliay taliwa sa mga kasong giatubang niini.
Bisan paman nga girekomendar sa Ombudsman nga ipresentar sa korte ang kasong nepotism batok kang Rama.
Sa pakighinabi sa Bombo Radyo Cebu, gisaysay ni Rama nga iya nang gitugyan ang sunod nga lakang ngadto sa iyang mga abogado aron makapadayon siya sa pagsang-at sa iyang kandidatura.
Mao nga nagpadayon ang iyang pakigbisog ug walay makapugong o makababag kaniya gawas nalang sa Ginoo.
Kung kahinumdoman nga si Rama gipasakaan og nepotism sa miaging tuig sa gihinganlan nga Jonel Saceda alyas “Inday Jose Osmeña” tungod sa pagbutang sa mga igsuon sa iyang kasamtangang asawa nga si Malou Mandanat Rama nga sila si Elmer Gimenez Mandanat ug Gomer Gimenez.
Gumikan niini, nag-atubang kini og kasong Anti-graft and Corrupt Practices Act nunot sa kasong nepotism human nasuta nga probable cause sa ilegal nga pagtudlo sa duha ka mga bayaw sa kagamhanan sa dakbayan isip mga kaswal nga empleyado.
