CEBU CITY-Giklaru sa Primewater team nga ang ilahang tumong sa mga diskusyon sa ilang panag-abut ni Cebu City Mayor Mike Rama, mao ang pagtinguha sa potensyal nga hiniusang kalamboan alang sa mga kinahanglanon sa seguridad sa tubig sa siyudad.
Dugang pa, nga isip kabahin sa standard procedures, ang team gitambagan nga magpadala ug pormal nga letter of intent ngadto sa Metropolitan Cebu Water District (MCWD), ug sa pagbuhat niini ang kompanya nangayo ug higayon nga mahatagan ug dugang data ug impormasyon aron makumpirma kining mga kinahanglanon ug aron mahibal-an kung kini nga mga potensyal nga hiniusang kalihokan sa pagpauswag mahimong mahimo sa usag usa alang sa tanan nga mga hingtungdan nga nahilambigit.
Gitino sa komapanya, nga ang public-private partnerships sa kompanya naglakip sa hiniusang pagpalambo sa water distribution ug supply systems pinaagi sa joint venture uban sa kasamtangan nga stakeholders, local government units man o local water districts.
Subay niini, gikwaan uga habig sa Bombo-Radyo Cebu ang pangu sa METROPOLITAN Cebu Water District (MCWD) chairman Jose Daluz III, kini gumikan kay una na kining namahayag nga nga dako iyahang pagtuo nga ang rekomendasyon sa Cebu City Legal Office (CLO) nga tangtangon siya ug ubang mga sakop sa board of directors (BOD) sa MCWD posibleng usa ka pagsulay sa pagduso sa “privatization” sa water utility.
Matud ni Daluz, nga ang joint venture nga gi-propuse sa Primewater team sa MCWD, kay ang naasoy nga kompanya ang mo manage ug mo-operate na sa MCWD ug wala sila maka-angay niini, kini gumikan kay basi sa ilahang nakuha nga impormasyon dili maayu ang dagan sa pagdumala sa Primewater sa pipila ka mga district nga ilang na manage ug na operate.
