Gihangop sa Police Regional Office – Central Visayas (PRO-7) ang pagkatudlo sa bag-ong hepe sa Philippine National Police (PNP) nga si Police Lieutenant General Jose Melencio Nartatez Jr. isip hulip ni 4-star Police General Nicolas Torre III.
Kini ang gibutyag sa kapulisan sa rehiyon human gipahibalo sa Malacañan kaniadtong Martes, Agosto 26 ang kalit-kalit nga pagpakanaog sa posisyon kang Torre.
Sumala pa ni Police Brigadier General Redrico Maranan, ang hepe sa PRO-7 nga gipaabot nila ilang mainitong pagsugat sa bag-ong pangu sa nasudnong kapulisan sa padayong paningkamot sa kaluwasan sa publiko.
Gipasalig niini ang ilang kooperasyon sa bag-ong liderato sa mga ipangluwat nga mga direktiba nga nahisubay sa pinakataas nga sumbanan sa integridad.
Ingon man propesyonalismo, og pagpanerbisyo sa katawhang Pilipino.
