PROVINCE OF CEBU-Andam na ang Probinsiya sa Sugbo sa pag-abli sa mga utlanan niini ngadto sa ubang mga local government units sa nasod nga andam mosalmot sa Sugbo ug mohimo og kasabutan alang sa pagpatuman sa komon nga biosecurity measures batok sa African Swine Fever (ASF).
Kini ang gitino ni Cebu Governor Gwendolyn, nga ang Probinsya sa Sugbo nipatuman og lakang batok sa mga sakit sa baboy nga iyang giangkon nga napamatud-an nga epektibo sa pagpanalipod sa atong lokal nga industriya sa baboy.
Ang mga protocol mao ang estrikto nga pagmonitor sa tanang backyard hog raisers, regular nga disinfection, regular nga report sa pagpakita sa mga sintomas sa masakiton nga baboy, ug diha-diha nga isolation aron mapanalipdan ang ubang mga baboy.
Gipatuman na sa Probinsiya sa Sugbo ang maong mga protocol human gideklarar sa Bureau of Animal Industry (BAI) nga dili na ASF-free ang Sugbo niadtong Marso ning tuiga.
Kung kahinumduman nga wala motuman si Garcia sa culling policy sa BAI ug gipalig-on hinuon ang hugot nga monitoring isolation ug vaccination batok sa hog cholera sa tanang backyard farms sa Probinsiya sa Sugbo.
Ang Probinsiya sa Sugbo adunay 616, 930 ka kinatibuk-ang populasyon sa baboy. Gikan niini nga numero 278, 887 ang backyard swine farms samtang 338,043 ang commercial farm population.
