Nagpagawas og dakong hagit si Philippine Sports Commission (PSC) Chairman Patrick Gregorio ngadto sa mga atletang Pilipino nga mosalmot sa 20th Asian Games sa Aichi-Nagoya, Japan.
Matud niya, kon malabwan sa nasod ang gidaghanon sa mga medalya nga nakuha niadtong 2022 Hangzhou Asian Games, personal siyang makig-alayon sa mga Commissioner sa PSC alang sa paghatag og dugang mga insentibo sa tibuok delegasyon.
Apan, wala pa niya gitino kon unsa nga matang sa dugang benepisyo ang ipanghatag.
Sa nakalabay nga 2022 Asian Games, nakasakmit ang Pilipinas og upat ka gold medals, samtang ang mga para-athlete nakakuha usab og 10 ka gold medals.
Giklaro ni Gregorio nga ang maong giplano nga dugang ganti lahi ra sa mga insentibo nga gimando sa balaod.
Magpadala ang Pilipinas og 464 ka mga atleta sa 38 ka nagkadaiyang sports ang ikaduha nga kinadak-ang delegasyon sa nasod sukad noong 1994 Hiroshima Asian Games.
Ang 20th Asian Games opisyal nga magsugod karong Sepyembre 19 ug molungtad hangtod Oktubre 4.
