CEBU CITY- Gi-akusaran karon ni Cebu City Mayor Tomas Osmeña ang mga pulis nga maoy responsable sa pagrapido sa business showroom ni ABC President Franklin Ong sa wala pa matino nga suspek ganihang kaadlawon sa dakbayan sa Mandaue, Cebu
Sa pakighinabi sa Bombo Radyo Cebu kang Mayor Osmeña, giingon niini nga normal na lang matud pa para kanila nga gi-harass ang ilang grupo sa mga pulis.
Gitudlo pa ni Osmeña nga si PRO-7 Regional Director Police Brigadier General Debold Sinas ug si Cebu City Police Office Director Police Colonel Royina Garma ang nagpaluyo sa tanang pagpangharrass matud pa sa iyang mga kaubanan sa pulitika.
Nasayran nga dugay na nga dunay panagbangi ang Cebu City Mayor ug ang Cebu PNP.
Blanco pa usab si ABC President Franklin Ong kung unsa ang motibo sa pagpamusil. Bisan paman ug dili na kini ang una nga higayon nga susamang gipuntirya sa mga armadong grupo ang mga pulitiko sa Cebu , wala kini matud pa gilauman ni Ong.
Samtang, no comment ug dili na lamang matud pa ashan ni Sinas ug Garma si Mayor Osmeña.
