Gidakop sa iyang mga kaubang pulis, ang usa ka sakop sa Traffic Enforcement Unit sa Lapu-lapu City Police Office (LCPO), human kini gipasanginlan nga namira ug giingong gilumsan ang tulo ka mga menor de-edad nga nangaligo og dagat sa usa ka beach resort sa Brgy. Marigondon, Dakbayan sa Lapu-lapu, niadtong Agosto 3, 2025.
Giila ang pulis nga si Police Patrolman Celso Petecio Jr., kinsang positibong gitudlo sa mga biktima.
Ingon man nga kasamtangan kining nabalhog sa prisohan human nga girespondihan sa iyang mga kabaro gumikan sa nadawat nga reklamo gikan sa usa ka concerned citizen.
Gituohan usab nga naka-inom si Petecio sa dihang nahitabo ang giingong komprontasyon tali sa mga bata ug sa pulis.
Gikumpirmar usab ni PLtcol. Christian Torres, ang tigpamaba sa Lapu-Lapu City Police Office (LCPO), nga pormal na nga gipasaka sa piskal ang kaso batok sa maong PNP personnel.
Diin mag-atubang kini sa kasong kalapasan sa Physical Injury subay sa RA 7610 tungod kay mga menor de edad ang mga biktima. | via Bombo Rexmond Omega
