METRO MANILA-Mi-surrender sila si Pastor Apollo Quiboloy ug iyang mga kauban nga sila si Jackielyn Roy, Ingrid Canada, Cresente Canada, ug Sylvia Cemañes, tungod sa 24 oras nga ultimatum nga gihatag sa PNP.
Kini ang gitino ni PNP Spokesperson P/Col. Jean Fajardo, nga ilang gihatagan og ultimatum ang kampo ni Quiboloy nga hangtod sa 24-oras ug kon dili sila motubag dili sila magduha-duha sa pagsulod sa usa ka building nga gidid-an sila sa pagsulod.
Ang intelligence group sa PNP ug Intelligence Group sa Armed Forces of the Philippines aduna usab negosasyon sa kampo ni Quiboloy.
Si Quiboloy ug laing upat napalgan sa compound sa Kingdom of Jesus Christ (KOJC).
Human sa pagsurender sa grupo ni Quiboloy, gidala dayon sila sa PNP Custodial center sa Camp Crame karong Domingo sa gabii.
Normal ang tanang medical examination ug gikuha ang mugshots ug fingerprints.
Si Quiboloy nag-atubang og kasong child abuse, sexual abuse, ug qualified trafficking.
