Mibisita sa House of Representatives sa Batasang Pambansa Complex sa Quezon City ang mga lideres sa Regional Development Council Central Visayas (RDC-7) niadtong Lunes, Pebrero 9, 2026.
Kini isip pagtambong sa mga opisyal sa rehiyon sa high-level consultation ug technical budget review nga magtakdo sa regional priorities sa pagabuhaton nga national budget sa tuig 2027.
Ang panagpulong kay gipangulohan ni RDC-7 Chairperson ug Cebu Provincial Governor Pamela “Pam” Baricuatro nga nagtapok sa mga miyembro sa Joint RDC Executive and Advisory Committees, regional line agencies, local chief executives, ug district representatives sa Sugbo ug Bohol.
Lakip sa mga nitambong kay sila Bohol Provincial Governor Erico Aris Aumentado, RDC Co-Chairperson Melanie Ng, DEPDev-7 Regional Director Jennifer Bretaña, Cebu City Mayor Nestor Archival Sr., Mandaue City Mayor Thadeo “Jonkie” Ouano, Cordova Municipal Mayor Cesar “Didoy” Suan,ug mga kongresista sa mga distrito sa rehiyon.
Gani sa eksklusibong pakighinabi sa Bombo Radyo Cebu News Team kang Rep. Eduardo “Edu” Rama Jr. sa Cebu City South District nga gituki nila ang mga pipila ka mga proyekto para sa rehiyon sa tinguha nga episyente nga paggasto sa panudlanan sa kagamhanan.
Ang panagpulong kay nagtimaan sa pinakaunang higayon nga ang RDC-7, DEPDev, ug Kamara sa pag-institutionalize sa proseso sa mga regional priority projects ngadto sa nasudnong panudlanan.
