Mi-withdraw sa iyang kandidatura si Incumbent Cebu 3rd District Board Member Atty. Jiembo Borgonia para sa umaabot piniliay Mayo 12, 2025.
Matod pa sa Board Member nga ang nag-unang rason niini kay ang kakuwang sa political pary support ug logistical constraint sa iyang kandidatura sa Tersero Distrito sa Sugbo.
Dugang pa niini nga niadto pang Marso 24 ang pormal sa pagdawat sa Commission on Elections (Comelec) sa withdrawal niini nga nagpasabot nga dili kwentahon ang mga boto nga madawat niini inig adlawng piniliay.
Giluwat sa bokal ang pag-withdraw niini niadtong Sabado de Gloria, Abril 19 isip independente sa Tersero Distrito sa Sugbo nga gilangkoban sa mga lungsod sa Balamban, Asturias, Tuburan, Piamungajan, Aloguinsan, Barili, ug dakbayan sa Toledo.
Subay niini nga taposon nalang niya iyang termino nga nakatuon sa legislative work sa Provincial Board kaysa sa makompromisong kalidad sa iyang kandidatura ug pagpangserbisyo.
Magtapos si Atty. Borgonia sa iyang ikaduhang termino diin uan kining nabutang sa gahum niadtong tuig 2019.
