Gilauman ni Tingog Partylist Representative Jude Acidre, nga mapanglantawan sa Prosecution panel ug sa mga Senator Judges ang kabug-aton sa hisgutanan sa mga giingung mga nakadawat sa Confidential Funds hilabi na sa mga kuwestiyonableng mga pangalan nga nalambigit.
Matud niini, nga maayu ang pagkayag-yag sa testimonya ni kanhi State Auditor Atty. Roderick Wamil sa hisgutanan sa Confidential Funds gumikan kay gisunod gayud niini kung unsay anaa sa Comission on Audit (COA) Joint Circular hinungdan nga dili gayud kini mayanu-yano sa defense panel gumikan kay nakasunod kini sa balaod.
Apan subay usab niini, gilauman ni Rep. Acidre ang dugang pa nga mga impormasyon nga motumaw hilabi na nga limitado lamang ang testimonya ni Atty. Wamil gumikan kay na re-assign kini isip audit team leader sa Pasay City sa February 2024.
Sigon usab niini, nga wala usab makaapekto ang nahitabong daw “hostile” nga mga pangutana og interjections nila ni Senator Judge Robin Padilla ug Imee Marcos ngadto sa witness gumikan kay klaro nga nahisubay ang mga testimonya ni Atty. Wamil hilabi sa hisgutanan sa posibleng manubag sa paglapas sa pag-allocate sa CIF.
Gihimug-atan Rep. Acidre nga unta dili maabusaran sa kagamhanan ang “nature” sa confidential ug Intelligence funds susama sa nakita sa COA ug base sa interpretasyon ni Atty. Wamil isip auditor.
Dugang pa, wala ra usab problema sa pagtugot sa Impeachment Court sa pag-marked isip exhibit sa pipila ka bahin sa affidavit ni Arturo Lascanas, gumikan kay gamiton ra kini reference sa kaso ug dili isip ebedensiya.
