Pormal nang giablihan sa kagamhanang lungsod sa Cordova sa isla sa Mactan ang ilang Roro Port Food Plaza niadtong adlaw sa Dominggo, Hunyo 8, 2025.
Kun diin gipangulohan ni Cordova Municipal Mayor Cesar “Didoy” Suan uban sa laing opisyales sa kagamhanang lungsod diin nagdalit kini sa mga nagkadaiyang lokal nga pagkaon ug lugar kasuyuranan.
Ang maong inisyatiba kay nagtinguha sa pagpalambo sa turismo ug pag-suporta sa mga gagmayng tigpatigayon diin makatagamtam sila og libreng business permits samtang nag-operate.
Ang Roro Port Food Plaza kay abli para sa tanan diin gipanglantawan pang adunay mudunggo nga mga international cruise ship arrivals ang muabot sa maong Roro Port.
Gani gidani ni Mayor Suan ang uban pang mga gagmayng negosyante nga mamaligya sa lugar aron padayon ang pagdagok sa mga bisita.
Dugang pa niini nga angay sab imentinar ang kalimpyo sa lugar aron malungtaron ang kalipay sa publiko sa maong lugar kasuyuranan.
