Nagpabiling hilom ang aktres nga si Ruffa Gutierrez sa giluwat nga guilty verdict batok sa iyang uyab, aktor ug kanhi Quezon City Mayor nga si Herbert Bautista.
Diin niadtong Hunyo 2024, giangkon sa aktres nga nakigrelasyon siya sa komedyante ug kanhi politiko nga si Herbert Bautista.
Nakit-an sa Sandiganbayan nga sad-an sa kasong graft si Bautista ug ang kanhi city administrator niini nga si Aldrin Cuña.
Ang kaso misangpot sa pag-release ni Bautista og P32.107 milyones isip kinatibuk-ang bayad sa usa ka Information Technology firm alang sa pagpalit sa online occupation permitting ug tracking systems niadtong 2019.
Giingong nisulod si Bautista og kontrata ug giaprobahan ang pag-release sa kinatibuk-ang bayad bisan wala pa ma-deliver ang proyekto ug walay ordinansa nga gi-aprobahan sa City Council.
Sa 148 ka panid nga desisyon nga gipagawas sa Special Seventh Division, sila si Bautista ug Cuña napamatud-an nga sad-an nga walay rason nga pagduda sa paglapas sa Section 3 sa Anti-Graft and Corrupt Practices Act.
