Naglatid na og usa ka serye sa mga kondisyon alang sa usa ka ceasefire sa gubat sa Ukraine-Russia si Russian President Vladimir Putin.
Kini nahitabo human siya miingon nga ilang gisuportahan ang ideya sa usa ka ceasefire sa Ukraine, agig tubag sa 30-day ceasefire nga kaniadto gipaboran sa Ukraine pagkahuman sa mga pakigpulong niini sa Estados Unidos.
Pipila sa mga kondisyon ni Putin sa dili pa mouyon sa 30-day ceasefire mao nga ang Ukraine kinahanglan una nga ilhon ang pagsakop sa Russia sa Crimea ug 4 nga mga rehiyon nga giangkon niini nga mga annexes lakip na ang Donetsk, Kherson, Luhansk ug Zaporizhzhia oblast.
Usab, ang pag-atras sa mga tropang Ukrainians gikan sa mga teritoryo nga giangkon sa Russia ug usa ka saad nga dili moapil sa North Atlantic Treaty Organization (NATO).
Gisaway dayon ni Ukrainian President Volodymyr Zelensky ang daghang preconditions nga gilatid sa Presidente sa Russia.
Nagtuo si Zelensky nga kining tanan usa pa ka manipulasyon sa Russia.
Giakusahan usab ni Zelensky si Putin nga nahadlok nga moangkon sa Presidente sa US nga si Donald Trump nga supak siya sa ceasefire ug daghang mga Ukrainians ang mapatay.
