METRO MANILA-Gibakwi sa Sandiganbayan ang ilang desisyon ug giabsuwelto si Senador Jose “Jinggoy” Estrada sa usa ka ihap sa direct bribery ug duha ka ihap sa indirect bribery tungod sa kakuwang sa ebidensya.
Ang kaso may kalabotan sa giingong dili hustong paggamit sa P183 milyones nga alokasyon sa Priority Development Assistance Fund (PDAF).
Kung diin ang 26 ka pahina nga desisyon nga giluwatan niadtong Agosto 22 gikan sa anti-graft court nag-ingon nga gawas sa P1 milyon nga gideposito sa Bank of Commerce account ni Estrada niadtong Septiyembre 18, 2008, nga giingon sa saksi nga si Benhur Luy sa prosekusyon kay wala gihatag ang Summary of Rebates, nga giingin sa piskal sa bisan unsang ubang ebidensya nga ang kuwarta gipadala kang Estrada.
Ang summary sa rebates mao nga si Luy niingon nga nagpadala siya og P5-M sa kanhi katabang ni Estrada kinsa gipasanginlan usab nga si Pauline Labayen.
Si Luy nagsilbi nga financial officer sa usa ka non-government organization nga gipanag-iya ni Janet Napoles.
Kahinumduman nga niadtong Enero, naabsuwelto si Estrada sa iyang kasong plunder nga may kalabotan sa dili hustong paggamit sa PDAF.
Napamatud-an nga sad-an siya sa pagpanuhol ug iya kining giapelar.
