Nilabay na ang usa ka buwan sa makasubo nga panghitabo, human nga nidahili ang landfill sa Binaliw, ning Dakbayan sa Sugbo, nga mikalas og kapin 30 ka kinabuhi apan, dili pa tataw kung progresibo ba ang imbestigayon sa maong panghitabo.
Subay niini, ekslusibong gikuha sa Bombo Radyo Cebu newsteam ang habig ni Teody Navea, Secretary General sa Sanlakas Cebu, ug matod niya, natural rani nga ingun ani ang status sa imbestigasyon sa Binaliw Landfill, gumikan kay dili nani bag-o nga panghitabo.
Gani iya pang gibutyag nga ang Department of Environment and Natural Resources (DENR), mayo lang sa una, ug bag-o pa ang mga panghitabo, kung diin banha pa ang pagpangisog, dayun mando og mga Cease and Desist Order (CDO), apan sa katapusan wala na diay klaro.
Samtang, iya usab nga gipaambit nga basi sa ilahang kasayuran, walay plano ang Local Government Unit (LGU) nga moduot og interbensyon kabahin niini.
Gihimug-atan usab ni Navea nga gani, sa kini nga hisgutanan, mao ‘unta’ ang trabaho sa LGU, diin sila ang gitahasan sa klaro nga monitoring niini.
