Nimando si Senador Robinhood Padilla, og imbestigasyon sa gi-ingung usa sa iyang mga kawani ang nasakpan nga naggamit og marijuana samtang naa sa pansayan.
Matod ni Atty. Rudolf Philip Jurado, chief of staff ni Padilla, nagpaabot pa sila sa incident report ug written explanation gikan sa Office of the Sergeant-at-Arms (OSAA) kalabot sa maong empleyado.
Iya usab nga giklaro nga wala siya gipatawag sa OSAA, apan boluntaryo siyang miadto didto aron pagkompirmar kon ang ilang buhatan ang gitumbok sa nahisgutang insidente ug aron makakuha og kopya sa incident report.
Kini tungod kay nagpahigayon usab og kaugalingong imbestigasyon ang ilang buhatan kalabot sa maong isyu.
Matod ni Sergeant-at-Arms Aplasca, nagpadayon pa ang ilang imbestigasyon ug kung mahuman na, mosumiter sila og report ngadto kang Senate President Chiz Escudero.
Samtang gipahigayon usab ang random drug test sa mga empleyado ug kawani sa Senado. | Bombo Nathaniel Sandoval
