Gihimakak ni House Speaker Martin Romualdez ang isyu sa impeachment batok kang VP Sara nga giingong gituki sa Kamara.
Matud ni Romualdez, wala silay balita sa nasambit nga reklamo ug wala usab silay kalabutan sa ubang grupo nga adunay plano sa susamang lakang.
Basi sa taho, nagsugod na ang grupo sa Bayan sa pag-draft sa impeachment batok kang VP Sara.
Apan, kusganong gibarugan ni Romualdez nga wala silay nadawat nga kasayuran bahin niini.
Samtang sa habig ni House Deputy Majority leader for Communications Erwin Tulfo niingon nga kung adunay mopasaka og reklamo, tun-an kini kon aduna ba kini igong porma ug unod sa dili pa mopadayon.
Una nang niingon si Assistant Majority Leader Paolo Ortega nga wala’y bisan usa sa mayorya sa Kamara ang nipadayag og interes nga suportahan ang plano ni kanhi Sen. Sonny Trillanes nga mopasaka og impeachment complaint.
