CEBU – Gitino sa usa ka ekonomista nga dili maayo alang sa katawhan kung maabot na ang inflation rate sa 6% gumikan kay mu-ubos ang purchasing power sa mga kunsomidor.
Matud ni Atty. Jonathan Capanas, nga ang inflation nagpasabot sa punay nga pagsaka sa presyo sa mga batakang panginahanglanon, hayan gamay na lang ang mapalit sa mga kunsomidor.
Sigon pa, sagad sa mga produkto dinhi sa Pilipinas kay imported hinungdan nga musaka usab ang presyo sa mga palaliton.
Samtang, gipasabot ni Atty. Capanas nga kung hatagan ug ‘special power’ si President Ferdinand ‘Bongbong’ Marcos, Jr., giingong mas paspas ang lihok sa pagpalambo sa ekonomiya gumikan kay mulapad man ang authority niini.
Giingong dugay ang mga lakang nga buhaton kung ipaagi pa sa balaudnon sa mga magbabalaud, hayan adunay mga higayon nga mas maayo nga hatagan ug ‘special power’ ang presidente.
Apan sa laing bahin, napanglantawan usab niini nga ang maong ‘special power’ kay mahimong ma-abusaran, butang nga mao usab ang deperensya niini
