Kasamtangang gipaubos sa forensic analysis ang narekober nga submarine drone sa kadagatan sa San Pascual, Masbate diin molungtad kini og unom ngadto sa walo ka semana.
Matod sa tigpamaba sa Philippine Navy alang sa West Philippine Sea Rear Admiral Roy Vincent Trinidad, nga nakuha ang submarine sa non-operational status.
Kini adunay yellow, pula, ug orange nga mga kolor nga matod niya sagad gigamit alang sa mga katuyoan sa siyensya. Kini adunay adunay 3.5 metros ang gitas-on, 24 cm ang diameter ug may gibug-aton nga 94 kilos.
Dugang ni Trinidad, ang maong mga ekipo gigamit sa pagtigom sa bathymetric data sama sa temperatura sa tubig, giladmon sa tubig ug kaparat.
Sa inisyal nga pagtuki, komersyal nga gidisenyo ug makita usab nga kini gilusad sa usa ka inahan nga barko.
Basi sa open source, giingon nga China ang manufacturer, apan matod sa Ph Navy, gikinahanglan gihapon ang hard scientific evidence aron masiguro kung asa gayud kini gikan.
Samtang, giingong dili kini ang unang higayon nga na-recover ang maong matang sa mga ekipo sa Exclusive Economic Zone (EEZ) sa Pilipinas.
Sumala sa Trinidad, ang maong mga ekipo kasagarang makuha sa amihanang mga isla ug sidlakang dagat.
