CEBU CITY – Gihangop ni Cebu City Mayor Edgardo Labella ang sunod-sunod nga drug operation sa dakbayan sa Sugbo kung diin dinagko nga mga iligal nga drogas ang nasakmit.
Matud ni Mayor Labella nga nagpasabot kini nga naglihok ang kapulisan sa dakbayan ubos sa pamunoan ni Cebu City Police Office Director Police Colonel Engelbert Soriano.
Dako ang pagsalig ni Mayor Labella ngadto kang Colonel Soriano nga masulbad niini ang problema sa iligal nga drogas sa dakbayan.
Sigon pa nga mas malantip ang kapulisan itandi sa mga kriminal hinungdan nga iyahang gituohan nga hingpit nga masumpo ang pagkuyanap sa iligal nga drogas dinhi sa dakbayan sa Sugbo.
Nagkanayon si Mayor Labella nga nagpabiling malinawon ang dakbayan ug walay angayan nga kabalak-an ang mga law-abiding citizen.
