Temporaryo nga gitanggong sa detention facility sa House of Representatives ang negosyante ug giingong “fixer” sa Customs nga si Mark Taguba tungod sa posibleng hulga sa iyang seguridad sumala sa Bureau of Customs.
Ibalhin si Taguba gikan sa National Bilibid Prison (NBP) sa dakbayan sa Muntinlupa.
Matod niya nga epektibo ang pagtanggong kang Taguba sa Kamara hangtod nga mahuman sa Quad Committee ang ilang imbestigasyon o hangtod nga matubag ang posibleng hulga kang Taguba.
Kahinumduman nga si Abang Lingkod Party-list Rep. Stephen Paduano ang unang nihimo og mosyon nga ibalhin si Taguba sa detention facility sa Kamara atol sa committee hearing nga gipahigayon niadtong Miyerkules sa gabii.
Sa laing bahin, sa maong hearing, una nang nibarog si Taguba nga wala siyay labot sa pagpamaligya og shabu.
Gipamatud-an usab ni Taguba ang iyang miaging testimonya nga naglambigit kang Davao city Rep. Paolo “Pulong” Duterte, ngadto kang Mans Carpio nga asawa ni VP Sara ug ubang sakop sa gitawag nga Davao group tungod sa pagpayuhot og binilyon nga kantidad sa shabu.
Ang Manila Regional Trial Court Branch 46 nga kaniadto gisentensiyahan niadtong Nob. 19 si Taguba uban sa 2 ka uban pa sa tibuok kinabuhi nga pagkabilanggo tungod kay sila giingong nalambigit sa P6.4 bilyones nga shabu shipment gikan sa China niadtong 2017 ug sa ulahi napamatud-an nga sad-an sa paglapas sa Comprehensive Dangerous Drugs Act.
