Masaligon ang Taiwan nga ang militar niini makatubag dayon sa bisan unsang pag-atake sa China.
Sa usa ka report ngadto sa mga magbabalaod sa Taiwan, ang Taiwan defense ministry miingon nga ang tanan niining mga yunit sa militar mahimong mo-operate ubos sa usa ka desentralisadong paagi sa pagmando nga dili maghulat sa mga direktiba gikan sa mga mas taas nga opisyal.
Gihimo sa Taiwan ang pahayag human sa balik-balik nga mga hulga sa China nga kalit niining usbon ang regular nga mga drills niini ngadto sa aktibong combat mode aron madakpan ang Taiwan ug ang mga internasyonal nga tigpaluyo niini nga wala mahibalo.
Ang Taiwan defense ministry nidugang usab sa report nga ang mga kalihokan sa militar sa China misaka sa lebel ug frequency matag tuig, lakip na ang regular nga joint combat readiness patrols niini.
