Wala gisalikway sa kadaghanan nga aduna silay kalibog sa bag-o karon nga lakang sa presidente kabahin sa trimister school calendar.
Diin, ang School Year 2026–2027, ang Department of Education (DepEd) mopatuman og three-term (trimester) calendar para sa mga pampublikong eskwelahan aron mapadako ang oras sa pagkat-on.
Kini nga sistema naglangkob sa 201 ka adlaw, nga adunay tulo ka managlahing termino nga modagan, ug aduna kini mas taas ug uninterrupted instructional blocks nga 54–61 ka adlaw matag usa.
Subay niini, eksklusibong gikuha sa Bombo Radyo Cebu newsteam ang habig ni Ruby Bernardo, ang National Chairperson sa Alliance Of Concerned Teachers, ug iyang gikabutyag nga ipatuman na unya sa S.Y 2026-2027 ang Three-term School Calendar gumikan kay aprobado na kini ni Presidente Ferdinand Marcos Jr.
Gipasabot ni Bernardo nga ang maong Three-term School Calendar nagpasabot nga ang kanhing 4 grading periods, mamahimo nalang kining 3 grading periods, diin sugdan kini sa buwan sa Hunyo hangtod Septyembre sa unang termino, Septyembre hangtod Disyembre sa ikaduhang termino, ug Enero hangtod Marso sa ikatulong termino.
Gitino ni Bernardo nga sa habig sa Alliance Of Concerned Teachers, nibati usab sila og kabalaka gumikan kay wala sila moagi og massive consultation kabahin niini, hinungdan nga wala sila makonsulta kabahin niini.
Dugang niya, bisan dili kini ang solusyon sa krisis nga giatubang sa edukasyon gumikan ra usab sa kakuwangan sa mga resources sa mga magtutudlo ug sa mga tinun-an, hinungdan nga dili malikayan ang kabalaka subay na sa implementasyon sa maong lakang sa presidente.
Dugang pagpasabot ni Bernardo nga sa Three-term School Calendar adunay 6-10 days nga gitagana alang sa enrichment block kung diin, matag human sa termino, kadtong 6-10 ka adlaw adto na pagabuhaton ang mga extra curricular activities, parents-teachers consultation, teacher’s paper works, ug uban pa.
Apan, giklaro ni Bernardo nga sa ilang habig, wala nila napanglangtawan nga ang 6-10 ka adlaw igo na sa mga naasoyng aktibidad, tunggod sa giinfgong dili tugutan nga madisturbo ang mga magtutungha sa kinatibuk-ang termino.
Busa, buot nila nga sa ilahang habig, mas makiangayon ug bubintaha kung adunay klaro sa bisan unsa mang polisiya kabahin sa suporta sa mga moimplentar niini.
Tungod sa ilang namatyagan, mubo nalang ang panahon sa pagpangandam ilabi na kung dili kini pahamtangan og dugang nga suporta, partikular na sa kakuwangan sa pasilidad, ug bisan na ang learing materials.
