PROVINCE OF BOHOL- Patay ang duha ka suspetsado, lakip ang Top 2 Most Wanted Person sa Bohol nga nailhan sa alyas “Ondoloy,” atol sa operasyon sa kapulisan sa Barangay Dampas, Tagbilaran City,Bohol gahapon October 22, 2025.
Sumala ni PLTCOL Norman Nuez,Tigpamaba, Bohol PNP, ang operasyon gipangulohan sa Tagbilaran City Police Station, human makadawat og intelligence information bahin sa lokasyon sa suspek.
Gipahigayon kini aron isilbi ang warrant of arrest batok kang Ondoloy, nga gipasakaan og kaso sa Murder ug Frustrated Murder ubos sa Regional Trial Court Branch 49, Tagbilaran City.
Apan sa dihang gisulayan isilbi ang warrant, gikatahong gipusil sa mga suspek ang mga operatiba, hinungdan nga mibawos ang kapulisan.
Ang engkwentro miresulta sa kamatayon sa duha ka mga suspek ug sa pagkarekober sa usa ka .45 caliber pistol, usa ka KG9 submachine gun, pipila ka pakete sa gituohang shabu, ug silver nga Toyota Vios nga walay plate number.
Base sa intelligence assessments, adunay siya’y koneksyon sa mga drug distributors ug suppliers sa lalawigan, ug nalambigit sa drug-related shooting incident niadtong Hunyo 2024 sa Barangay Ubujan, Tagbilaran City.
Ang iyang kauban nga nailhan sa alyas “Francis” nalambigit usab sa susamang criminal network.
