-- ADVERTISEMENT --
Sikop sa mga kapulisan sa Sawang Calero Police Station 6 ang usa ka 38-anyos nga lalaki kinsa giila isip Top 6 Most Wanted Person sa dakbayan sa Sugbo.
Kini human sa magmalampusong operasyon sa kapulisan sa naasoy nga istasyon sa pagsilbi sa warrant of arrest pasado alas 8:40 sa buntag niadtong adlaw sa Martes Hunyo 25, 2024 sa Barangay Suba ning dakbayan sa Sugbo.
Basi sa imbistigasyon, ang akusado gipasakaan sa kasong Homicide sa buhatan sa RTC 7th Judicial Region Branch 58 sa maong dakbayan.
Kasamtangan naka tanggong karun ang akusado sa Sawang Calero Police Station 6 custodial male facility arun ipresentar ngadto sa nag isyu nga korte.
