Pahugtan na sa Traffic Enforcement Agency sa Dakbayan sa Mandaue ang pagpasaka og kaso batok sa mga makalapas sa lagda sa trapiko aron nga maglikay ang mga motorista sa pagsupak niini.
Matud ni Mandaue-TEAM Head Hyll Retuya, nga gihingusgan na sa buhatan ang pagsang-at og kaso sa mga bug-at og kalapasan sa lagda sa trapiko aron nga likayan ang pagbuhat niini lakip na usab ang pagpa-settle sa ilang kaso.
Sigon ni Retuya, nga usa ka kini sa mga rason kung nganung mas dali na nga husayon sa mga traffic violators ang ilang salaod gumikan kay nasayud sila nga istrikto ang buhatan sa pagpasaka og kaso.
Gihimug-atan niini nga ang mga motorista nga makalapas sa lagda sa trapiko kinahanglan nga i-settle ang ilang kalapasan sulod lamang sa 7 ka adlaw, aron nga dili sila hingpit nga mapasakaan og kaso.
Samtang, gikabalak-an usab sa buhatan nga abusaran sa mga motorista ang dili ang pagkumpiskar sa mga lisensya sa mga makalapas sa lagda sa trapiko.
