Nagreklamo ang pribadong sector ingun man ang mga Local Government Units (LGU), ug uban pang nitunol og hinabang sa pa ingun sa Northern Cebu.
Human nga nitay-og ang 6.9 magnitude nga linog niadtong Seytembre 30 sa gabii, ang mga katawhan ingun man ang nagkalain-laing buhatan sa gobyerno, nigahin og dakong panahon alang sa paghatud og mga relief goods sa mga nabiktima sa kusog nga linog.
Apan, dul-an unom ka adlaw nalang human nahitabo ang linog, padayun ug nagpabiling problema gihapon tungod sa bug-at nga trapiko, kay naghatag lang kini og delay sa paghatud sa hinabang.
Busa, si Cebu Governor Pamela Baricuatro niingon nga ang kahuot sa trapiko maoy hinungdan sa pagkalangay sa mga disaster relief initiatives sa kagamhanan.
Subay niini, giawhag sa Gobernadora ang mga pribadong donor nga makig-coordinate ug maghimo og centralized distribution system aron maminusan ang gidaghanon sa mga sakyanan nga mobiyahe paingon sa amihanang Sugbo ug ma-decongest ang mga karsada pa-ingun didto.
Sa pikas bahin, ekslusibong nakuha sa Bombo Radyo Cebu News Team ang linya ni Ferl John Carabio Pacaldo, Operations Section Head sa DRRMO Cebu City, diin iyang gikabutyag nga mismo sila ang nakasinati sa maong trapiko og alang kaniya ang usa sa nagdugang sa bug-at nga trapiko mao ang mga private sectors nga nihimo og mga humanitarian services.
Dugang niya nga mas nagkadaghan ang volume sa maong sektor hinungdan nga nahutdan na og luna alang sa uban tungod kay nag counterflow na lang kini sa maong dalan, busa maka ingun si Pacaldo nga lisud ang kasamtangang sitwasyon sa Norte.
Busa, nag-awhag si Pacaldo nga andam ug buot mohatag sa ilang hinabag, makig coordinate nalang sa gobyerno aron ma minimize ang kahuot sa dalan pa ingun maghatud og mga hinabang, ilabi na nga dili ana ka luwas tungod sa nagpadayong matag karon ug unya nga mga aftershocks.
