CEBU CITY – Patay nang nadangat sa tambalanan ang usa ka triathlete human kini nga gi-atake sa kasingkasing atol sa swim leg sa Ironman 70.3 nga gipahigayon kaganihang buntag.
Giila ang namatay nga si Eric Nadal Mediavillo, 47 anyos ug lumad nga taga Laguna Province.
Gibutyag ni Lapu-Lapu City Police Office Director Supt. Rommel Cabagnot nga gisulayan pa pagdala sa Mactan Doctor’s Hospital si Mediavillo apan gideklarar na kining dead on arrival.
Samtang usa usab ka tourist police nga misalmot sa nahisgutang sporting event ang nakuyapan atol na sa last race niini.
Nailhan ang maong pulis nga si PO2 Brian Guillen, Lapu-Lapu City Tourist Police.
Nasayran nga anaa na unta kini sa katapusang hugna diin mao ang run leg ug hapit na sa finish line sa dihang nakuyapan kini.
Hinuon, dali usab kini nga gidala sa tambalanan.
