Gikatakdang ipakita karong Oktubre sa mga sinehan sa tibuok kalibotan ang “Wakas at Simula: The Trilogy Concert Finale” sa SB19, nga maghatag sa mga fans og laing higayon nga makatan-aw sa dako nga konsyerto sa P-pop group.
Gi-anunsiyo ang maong concert film sa nakalabay nga adlaw pinaagi sa ilang mga social media page diin wala pa gipadayag ang eksaktong petsa sa premiere.
Ang nasangpit nga anunsiyo giubanan sa usa ka teaser video nga nagpakita sa mga highlight gikan sa konsyerto, nga gipahigayon niadtong Abril 18, sa SMDC Festival Grounds sa Parañaque City.
Ang “Wakas at Simula” nagtimaan sa panapos sa concert trilogy sa SB19 ug nagsaulog sa panaw sa musika ug paglambo sa grupo.
Nagpakita kini nga ang SB19 nagpadayon sa paghimo og kasaysayan sa internasyonal nga entablado.
Ang grupo bag-o lang nahimong unang Filipino act nga miperform sa Lollapalooza, ang tinuig nga music festival sa Chicago, Illinois.
Ang SB19 gikatakda usab nga moperform sa Summer Sonic sa Japan karong bulana.
Ang grupo nga adunay lima ka miyembro nailhan sa ilang mga kanta, sama sa “Gento” ug “DAM.”
