Gimando sa Britain nga silotan ang top Iranian military human sa Islamic republic’s October 1 ballistic missile nga miatake sa Israel.
Ang Foreign Secretary nga si David Lammy miingon nga ang Iran wala gitagad ang kanunay nga mga pasidaan nga ang peligro nga mga aksyon ug ang mga proxy niini kay nag-aghat sa panagbangi sa Middle East.
Lakip sa mga indibidwal nga gipailalom sa pagdili sa pagbiyahe ug pag-freeze sa asset mao ang commander-in-chief sa Iranian army nga si Abdolrahim Mousavi, ug ang pangu sa air force nga si Hamid Vahedi.
Giingon sa Iran nga gilunsad niini ang pag-atake sa missile agi’g tubag sa pagpatay sa Israel sa lider sa Hezbollah nga si Hassan Nasrallah sa Lebanon, ug pagkamatay sa lider sa Hamas nga si Ismail Haniyeh sa usa ka pagpamomba sa Tehran nga kaylap nga gibasol sa Israel.
Kini mao’y ikaduhang direktang pag-atake sa Iran sa Israel human sa usa ka missile ug drone attack niadtong Abril isip tubag sa air strike sa Iranian consulate sa Damascus nga gibasol niini sa Israel.
