Makigtagbo ang Ukraine sa iyang mga kaalyado mahitungod sa pagpalambo sa bag-ong air defense systems sumala ni Presidente Volodymyr Zelensky human sa pag-atake sa Russia gamit ang mga experimental ballistic missiles.
Sa iyang daily address, si Zelensky miingon nga si Ukraine Defense Minister Rustem Umerov nga nakigtagbo sa ilang mga kauban kalabot sa mga bag-ong sistema sa depensa sa hangin nga susamang klase sa sistema nga makapanalipod sa mga kinabuhi gikan sa bag-ong mga hulga.
Gipahayag usab ni Zelensky nga makonsiderar nga international crime kung sa higayon nga ang usa ka indibidwal magsugod sa paggamit sa laing nasud dili lamang sa pag-panghadlok kondili alang sa pagsuway sa ilang mga bag-ong missile nga adunay kalisan.
Ingon man gipasalamatan ni Zelensky ang iyang mga kaalyado nga misanong batok sa bag-ong pag-atake sa Russia.
Gibuhat ni Zelensky ang pahayag pagkahuman nga gilusad sa Russia ang usa ka bag-ong missile nga Oreshnik sa rehiyon sa Dnipro sa Ukraine.
Samtang, ang Presidente sa Russia nga si Vladimir Putin nagsulti kaniadto nga ang Russia magpadayon sa pagsuway sa bag-ong missile nga giingon niya nga dili ma-intercept sa air defense system.
