Nagtanyag ang Ukraine og temporaryong ceasefire para sa mga sibilyan nga target sa Black Sea, human sa pagdagsang sa mga pag-atake sa mga barko ug pantalan nga gigamit sa pag-export sa mga produkto sa agrikultura sa nasud.
Nataho nga ang Kyiv nagpadala sa tanyag pinaagi sa usa ka third party ug naghulat pa sa tubag gikan sa Moscow.
Ang Russia ug Ukraine parehong nag-akusar sa usag usa sa pag-atake sa mga barko nga gigamit alang sa ilang mga export.
Gikataho usab nga ang pipila ka mga kompanya sa pagpadala naglikay sa pag-agi sa Odesa, nga giisip nga usa ka importante nga sentro alang sa mga grain exports sa Ukraine.
Samtang, ang Russia napugos sa paghunong sa operasyon sa tulo ka mga terminal sa pantalan sa Black Sea sa Novorossiysk human kini giingong giatake sa Ukraine, nga mahimo usab nga makaapekto sa mga grain exports sa Moscow.
Matod ni Deputy Foreign Minister sa Russia Alexander Grushko, wala pa sila makadawat og pormal nga hangyo alang sa usa ka ceasefire sa Black Sea.
