Gibutang sa United Nations ang Israel sa global list sa mga nakasala tungod sa pagkamatay sa mga batan-on sa ilang operasyon sa Gaza.
Ang Secretary-General sa United Nations nga si Antonio Guterres miingon nga maong lista maglakip sa report sa mga bata ingon man ang gubat nga ilang isumiter sa UN Security Council sa Hunyo 14.
Gani, nakurat si Israel Ambassador sa UN, nga si Gilad Erdan, sa maong desisyon, diin gitawag pa kini niya nga usa ka makauulaw nga desisyon.
Nasuko ang Prime Minister sa Israel nga si Benjamin Netanyahu niining lakang sa UN diin gibutang nila ang ilang kaugalingon sa “blacklist of history”.
Nga nagpasabot nga kini nagsuporta sa Hamas nga giisip nga nagsabwag sa kapintasan.
Giinsistir sa lider sa Israel nga ang sundalo sa Israel adunay taas nga moral sa tibuok kalibutan ug walay delusional nga desisyon sa UN ang makausab niini.
