UNITED STATES-Gikasuhan sa Estados Unidos ang bag-ong lider sa Hamas nga si Yahya Sinwar ug uban pang prominenteng mga tawo sa grupo kalabot sa makamatay nga pag-atake sa Israel niadtong Oktubre 7 sa miaging tuig nga mipatay og liboan ka mga tawo.
Sumala sa US Justice department nga 6 ka miyembro sa Hamas ang giakusahan sa 7 ka ihap sa criminal complaint lakip ang pagpatay sa mga lungsuranon sa US, conspiracy to finance terrorism ug paggamit sa mga hinagiban sa mass destruction.
Ang kriminal nga reklamo naglangkob sa mga dekada sa giingong pag-atake sa Hamas ingon man sa usa ka kalit nga pag-atake sa habagatang Israel hapit usa ka tuig ang milabay.
Mao kini ang unang lakang sa pagpatuman sa balaod sa US aron manubag ang mga nanguna sa pag-atake, bisan pa nga 3 sa mga ginganlan sa indictment na ug ang bag-ong lider sa Hamas gituohan nga nagtago sa mga tunnel ilawom sa Gaza.
