UNITED STATES-Giklaro sa Estados Unidos nga wala kini nakiggubat sa Russia taliwala sa suporta niini sa Ukraine.
Ang United States Department of Defense (DoD) Press Secretary Air Force Maj. Gen.Pat Ryder miklaro kasunod sa padayon nga pagpadala sa US og suporta para sa Ukraine nga gigamit usab sa naulahi alang sa opensiba niini batok sa Russia.
Sa pagsugod sa Agosto, ang Ukraine nagsugod sa usa ka kontra-opensiba ug nakasulod sa utlanan sa Russia ngadto sa Rehiyon sa Kursk.
Matud pa ni Ukrainian Pres Volodymyr Zelensky, dako og natabang ang mga kargamento sa militar gikan sa mga kaalyadong nasud, ilabina ang US.
Dugang ni Gen. Ryder, ang US wala nakiggubat sa Russia apan nagsuporta lamang sa Ukraine ug ang suporta sa US nga iyang giingon importante alang sa Ukraine aron mapanalipdan ang teritoryo ug katawhan niini.
