Gimando sa Estados Unidos ang pagbakwit sa mga emergency government personnel ug sa ilang mga pamilya gikan sa Qatar, Kuwait, Bahrain, Iraq, ug Jordan samtang nagkagrabe ang tensyon sa Iran.
Daghang mga diplomatic missions, lakip ang US Mission sa Saudi Arabia, ang gisirad-an usab human sa pag-atake sa drone, ug gitambagan ang mga Amerikano nga magpabilin sa luwas nga mga lugar. Sa Kuwait, ang tanan nga mga serbisyo sa konsulado gikanselar hangtod sa dugang nga pahibalo.
Samtang sa Israel, ang Embahada sa US miingon nga wala kini kapasidad sa paghimo sa mga pagbakwit, nga nag-awhag sa mga Amerikano nga maghimo sa ilang kaugalingon nga mga kahikayan sa seguridad.
Ang lakang kabahin sa pagpahugot sa seguridad sa US samtang nagkagrabe ang tensyon sa rehiyon.
