CEBU – Girakrakan ang usa ka campaign vehicle pasado alas 4:00 kagahapon sa hapon, Mayo 6,2022.
Gikompirmar sa Santander Police Station nga adunay shooting incident nahitabo sa ilahang lungsod,ug samdan ang driver niini nga giilang si Rad Andrade,uban sa biktima ang iyahang pamilya sa maong campaign vehicle.
Matod pa sa Santander Police, nga si Andrade nagdrive sa usa ka campaign vehicle diin nagpatukar og jingle sa usa ka kandidato karong eleksyon sa dihang kalit lang ni gipaulanan og bala sa wa pa mailhing mga mamumuno,sa Liloan lungsod sa Santander.
Nakaangkon og daghang samad pinusilan sa nagkadaiyang parte sa iyahang lawas si Andrare,ug kasamtangang naa sa emergency room sa ospital sa Cebu City.
Dugang pa sa kapulisan nga nakasakay og brown nga Toyota Vios ang maong mga suspetsado.
Nakuha gikan sa crime scene mao ang 4 ka bala sa 9mm caliber ug laing bala sa wa pa mailhing armas.
Kasamtangang,padayon pa karon ang imbestigasyon sa Santander Police ug hot pursuit operation sa maong mga mamumuno.
