Mitala og bag-ong record-high nga utang ang gobyerno sa Pilipinas sa katapusan sa Abril 2025.
Basi sa datus sa Bureau of Treasury (BTr), nisaka ngadto sa P16.752 trilyon ang utang niadtong Abril, gikan sa P16.68 trilyon nga utang niadtong Marso.
Sumala sa BTr, ang domestic debt sa katapusan sa Abril anaa sa P11.59 trilyon, kini misaka og 1.85% kon itandi sa miaging buwan tungod sa kusog nga panginahanglan sa government securities.
Sa bahin sa utang sa gawas, mikunhod kini og 2.68% o P5.16 trilyon sa katapusan sa Abril, diin ang nag-unang rason mao ang P124.74 bilyones nga pagkunhod sa peso value sa external debt lakip na ang net payments nga P58.28 bilyones.
Bisan pa sa pagtaas sa utang, ang Treasury miingon nga ang gobyerno magpadayon sa pagsunod sa disiplinado nga pamaagi sa pagdumala sa utang aron masiguro nga ang mga paghulam sa nasud nagsuporta sa mga pamuhunan.
Dugang usab sa buhatan nga ang fiscal deficit kay nagpadayon sa pagkunhod ug anaa sa track nga mokunhod ngadto sa 3.8% sa 2028.
Ingon man ang padayon nga pagtubo sa ekonomiya nga mas paspas kung itandi sa mga obligasyon niini, nga nagpugong sa nasud sa pagpakunhod sa ratio sa utang-sa-GDP ngadto sa ubos sa 60% sa pagtapos sa termino ni Presidente Ferdinand Marcos Jr.
