CEBU CITY – Gihimug-atan ni Cebu City Councilor Dave Tumulak nga hugot nga nagmonitor ang anaa sa vaccination sites nga malikayan ang dili patas nga pama-agi sa nagpadayon nga vaccination rollout sa dakbayan sa Sugbo.
Kini ang usa sa mga tubag sa konsehal isip reaksiyon sa gikatahong pagbaligya ug mga bakuna sa kauluhan.
Sa eksklusibo nga pakighinabi sa Bombo Radyo Cebu, gipasalig ni Councilor Tumulak nga dili mahitabo ang susama dinhi sa syudad ilabi na nga gibantayan gayud ang mga makadawat sa bakuna.
Lakip usab sa gilikayan ang adunay pabor nga mahitabo sa makadawat ug bakuna, gani naka-rehistro ang tanang mabakunahan ug maghulat na lang kini sa system generated text message sa katuyuan nga malikayan ang pagtapok sa mga tawo sa vaccination sites.
Samtang alang usab sa mga walay computer ug internet connection sa balay, aduna matod pa’y naka assign nga mga workers sa vaccination sites ingon man sa matag barangay nga motabang sa mga indibidwal nga walay kapasidad sa pagpa-rehistro online.
Ning kasamtangan, nag-anam usab ug kadaghan ang mga nagpabakuna sa matag vaccination site, gani, daghan na usab matod pa ni Tumulak ang ‘fully-vaccinated’ na. | GS
