Pormal nga gidawat ni Bise Presidente Kamala Harris sa Estados Unidos ang nominasyon sa pagkapresidente sa Democratic Party.
Gibuhat niya kini atubangan sa mga tigpaluyo nga mitambong sa Democratic National Convention sa Chicago, Illinois.
Ang gobernador sa Minnesota state nga si Tim Walz, maoy iyang running mate sa umaabot nga eleksyon sa Amerika.
Sa wala pa kini, ang Gobernador sa Michigan nga si Gretchen Whitmer ug Gobernador sa North Carolina nga si Roy Cooper, ingon man ang high-profile nga Republican nga si Adam Kinzinger, nagsulti usab ug nagpakita og suporta.
Niining ikatulong adlaw sa DNC, si kanhi US President Bill Clinton, kanhi House Speaker Nancy Pelosi ug TV host Oprah Winfrey misulti usab sa ilang supporta kang Harris ug Walz.
Kahinumduman nga gipili ni US President Joe Biden si Harris nga ihulip kaniya sa eleksyon sa Nobyembre human niya tubagon ang panawagan sa iyang mga sakop sa partido nga moatras sa eleksyon.
Si Harris makig-atbang ni kanhi US President Donald Trump kinsa pambato sa mga Republicans.
