Gisaway sa Malacañang si Bise Presidente Sara Duterte tungod sa wala pag-deny sa mga akusasyon batok kaniya nga anaa sa mga reklamo sa impeachment.
Kini ang reaksyon sa Palasyo sa tubag sa kampo ni VP Sara sa impeachment court sa Senado diin gipabasura niini ang mga articles of impeachment.
Gikanayon ni Palace Press Officer Claire Castro nga ang kampo sa bise presidente migamit lang og mga simpleng teknikalidad sa ilang depensa nga kaniadto gigamit niini sa House Justice committee.
Giinsistir ni Castro nga mas maayo kung si VP Sara makapasabot sa mga tawo sa mga akusasyon batok kaniya imbes nga mogamit og mga teknikalidad aron ibasura ang reklamo.
Gidugang sa opisyal sa Palasyo nga ang mga senator-judges ang modesisyon kung ibasura ba ang mga reklamo sa impeachment.
Dugang pa, alang usab sa kaayohan sa bise presidente kung malimpyohan niya ang iyang ngalan pinaagi sa mga ebidensya nga mahimong ipresentar sa impeachment trial.
Gipasiugda usab ni Castro ang panginahanglan alang sa accountability, labi na alang sa usa ka public servant, nga sa kaso ni VP Sara naa sa mga kamot sa Senado.
