Kusganong gituohan ni Bise Presidente Sara Duterte nga gitumong gayud sa House of Representatives (HOR) ang impeachment batok kaniya, basi sa privilege speech ni Manila Rep. Rolando Valeriano kay naay nakitang sayop.
Gani, gisubay ni Sara Duterte ang gibuhian ni France Castro sa miaging tuig nga adunay mahitabong impeachment diin adunay tulo ka grounds alang sa maong lakang.
Ingon man, ang usa na niini kay ang kuwestiyonableng gasto sa Office of the Vice President ug sa Department of Education nga nahimong init ang maong butang tungod sa confidential funds nga gigasto ni VP Sara.
Samtang, gisugdan na sa House Committee on Good Government and Public Accountability ang imbestigasyon kalabot sa sayop nga paggamit sa pundo sa Department of Education ubos sa liderato ni Bise Presidente Sara Duterte.
Susihon sa house panel ang posibleng “malfeasance, misfeasance and nonfeasance” kalabot sa kapakyas sa paghatod sa mga importanteng proyekto ilabina sa pag-apod-apod sa mga laptop ug e-learning equipment.
Gitakda usab nga susihon sa Komite ang 2023 COA report nga nagpakita sa grabe nga mga kakulangan sa operasyon sa computerization program sa buhatan sa DepEd.
Hinungdan nga gisaway ni Manila Rep Rolando valeriano si VP Sara tungod sa kakuwang sa transparency.
Determinado ang Kamara nga manubag ang DepEd ug OVP sa mga lapses ug masiguro nga magamit sa husto ang umaabot nga pundo sa gobyerno.
