Gipahibalo ni Bise Presidente Sara Duterte nga sa miaging tuig palang niya gipang-recruit ang iyang running mate alang sa 2028 presidential elections apan wala niya gibutyag ang ngalan aron “mapanalipdan” ang pagkatawo niini.
Gipasabot usab ni Duterte ang papel sa iyang bise presidente, kung modaog siya, kinsa ang responsable sa pagpanubag sa mga nakasala samtang nag-focus siya sa iyang mga katungdanan isip presidente.
Ingon man nga wala usab gipahibalo ni Sara ngadto sa iyang amahan nga si kanhi Rodrigo Duterte ang iyang sayo nga deklarasyon.
Diin ang iyang bana lang, si Atty. Manases Carpio, mga anak, ug pipila ka mga kawani nga mitabang sa pagsulat sa iyang Tagalog speech ang nakahibalo.
Gipahibalo usab niya ang iyang inahan, nga si Elizabeth Zimmerman, sa nahimong desisyon.
Matud sa Bise Presidente nga nakahukom siya nga mopahibalo og sayo tungod sa protesta ug mga hangyo sa iyang mga supporters.
Gihisgutan usab niya ang miaging pahayag sa iyang amahan niadtong 2021 nga ang pagka-presidente “dili para sa mga babaye.”
Apan, sumala ni VP Sara, ang gender walay kalabotan sa abilidad sa usa ka tawo sa pagpangulo sa nasud.
