Dose-dosenang mga partisipante lakip ang mga opisyal gikan sa United Nations, mga volunteers, ug mga residente sa Gaza sa Palestine nga bag-ohay lang napahiuli sa ilang mga panimalay ang milakip sa aktibidad sa sentro sa syudad aron sa “We Will Rebuild Gaza” campaign.
Sumala ni Amjad Al-Shawa, ang Director of the Palestinian NGO Network nga ang ilang inisyatiba nag-representar sa hinuusang mensahe sa kalibutan ang mga katawhang Gaza kay mamahimong makapanumbalik sa kinabuhi sa ilang nagubang syudad nunot sa pagpanghasi sa military sa Israel.
Gidugang niini nga ang ilang specialised engineering teams kay nagtrabaho na sa rubble management aron libkason ang kapin 60 million tons sa debris nga giresulta sa pagpamomba sa mga Israeli.
Nagtimaan kini nga ang ilang volunteer campaign kay sinugdanan palang sa hataas nga proseso aron mapanumbalik ang kaanyag sa Gaza.
Giubanan sa mga UN agency officials ang maong lihok-pagpanglimpyo nga nag-reaffirm sa supporta sa lokal nga inisyatiba.
