Gikondena sa gobyerno sa Yemen ang pag-atake nga gihimo sa mga rebelde nga Houthi batok sa Saudi Arabia.
Sumala sa Ministry of Foreign Affairs sa Yemen, gipuntirya sa mga drone ug missile sa Houthi ang mga lugar nga gipuy-an sa mga sibilyan sa Khamis Mushait, Abha, ug Taif.
Nasayran nga 13 ka mga sibilyan ang naangol, ug daghang mga balay ug sakyanan ang nadaot sa maong pag-atake.
Gihulagway sa gobyerno sa Yemen ang insidente isip paglapas sa soberanya sa Saudi, ug gipasiugda nga ang mga teritoryo dili angay gamiton isip launching pad sa mga pag-atake batok sa ubang mga nasod.
Kahinumdoman nga sa miaging semana, naglunsad ang mga rebelde nga Houthi og lapad nga mga pag-atake sa pipila ka bahin sa Saudi Arabia human nila giakusahan ang gingharian nga nagtabang sa ilang gobyerno sa pakigbatok sa maong militanteng grupo.
