LAPU-LAPU CITY, CEBU-Nakakulekta ang Kapulisan sa Siyudad sa Lapulapu og usa ka gatus (100) ka sako sa basura atol sa ilang gipahigayon nga Coastal Clean-Up sa Barangay Sabang sa Isla sa Olango gahapong adlawa.
Sagad sa mga basura nga nakuha gikan sa baybayon sa Barangay Sabang mga plastik ug mga panapton.
Ang Coastal Clean Up tipik sa mga kalihokan sa City Community Affairs and Development Unit sa Lapulapu City Police Office (CCADU-LCPO) nunut sa pagsaulog sa 28th Police Community Relations (PCR) Month.
Niapil sa kalihokan ang Olango Police Station 1 nga gipangulohan mismo ni Captain Felix Cleopas III, Local Youth Development Office nga gipangulohan ni Tristom Shaun Romero, Barangay Sabang nga gipangulohan ni Barangay Kapitan Nelson Melancolito, motorcycle riders group, ug ubang volunteers nga mga batan-on.
Gitino sa Deputy Chief sa CCADU, PLt. Rachel Dumangeng ug ni Police Major Felix Cleopas nga mopahigayon sila og laing Coastal Clean-Up arun malimpyo ang Isla sa Olango nga maoy bisitahon sa mga turista.
Human sa ilang pagpanglimpyo, nag feeding program sa mga bata sa Sabang nga niapil sa pagpamunit sa basura.
