Nadiskubrehan sa Department of Agriculture (DA) nga ang duha ka kompanya nga nanag-iya sa daghang kargamento sa bugas nga kasamtangang gibaligya sa Pier sirado na o wala nay operasyon.
Kini ang gikumpirmar ni Agriculture Secretary Francisco Tiu-Laurel.
Matud pa ni Laurel nga ila karong gikonsulta ang ilang legal unit aron masayran kung angay bang kasuhan o patubagon ang mga kanhi kompanya o consignee sa pipila ka shipment sa bugas nga napalit sa pantalan sa Manila.
Dugang ni Laurel, ilang nadiskubrehan nga ang duha ka kompanya nga gihinganlan sa pipila ka mga kargamento wala na o nahanaw sama sa bula.
Mao nga niingon siya nga gideklarar nga abandoned na kining mga kargamento.
Madeterminar kon aduna bay laing mga indibidwal o kompanya nga nanag-iya niini ug iyang gihuna-huna nga sila ang angay manubag o pasakaan og kaso tungod sa dugay nga pagpalit og mga kargamento sa pier ug posibling usa ka pagsuway sa pagtago niini aron makaganansya o mas gitawag nga profiteering.
Subay niini, nigawas sa pagtuki nga luwas kining kan-on, nagdepende kini sa deklarasyon sa bureau of customs kung ang mga nabiyaan nga kargamento sa bugas ipaubos sa subasta o kaha mabaligya sa mas barato nga presyo sa kadiwa outlets.
Gitataw usab ni Laurel nga sa pagkakaron wala pay ingon kadaghan nga container vans nga padayong gi-park sa pier ug anaa pa kini sulod sa 30 ka adlaw nga gitugotan nga mahipos sa pier.
