2 ka sundalong Amerikano, patay human sa airstrike sa Iran sa Jordan

Patay ang duha ka sundalong Amerikano ug usa ang gikatahong missing human sa pag-atake sa Iran sa Jordan.

Ang US Central Command miingon nga kini ang unang higayon nga ang mga sundalo niini namatay sukad sa pagsugod sa gubat sa Iran niadtong Marso.

Upat ka sundalong Amerikano ang nasamdan ug kasamtangang nagpaayo sa usa ka ospital.

Nahitabo ang insidente samtang sila nagdepensa batok sa mga pag-atake sa Iran gamit ang mga ballistic missile ug drone attack.

Wala pa gipagawas sa US Central Command ang mga ngalan sa mga biktima isip pagtahod sa mga pamilya sa mga biktima.