30 patay, 100 ang samdan sa suicide bombing sa Nigeria

Labing menos 30 ka mga tawo ang namatay samtang kapin sa 100 ang naangol human sa sunod-sunod nga mga suicide bomber nga gipabuto sa lainlaing mga dapit sa Nigeria kaniadtong katapusang semana.

Diin ang unang pag-atake niadtong Sabado gihimo sa usa ka babaye, sumala ni Alhaji Mohammed Shehu Timta, ang Emir sa Gwoza.

Samtang ang Presidente sa Nigeria nga si Bola Tinubu mikondenar sa mga pag-atake, nga nagtawag kanila nga usa ka desperado nga buhat sa terorismo.

Matud ni Tinubu nga ang iyang administrasyon kay milihok na aron masiguro ang kaluwasan sa mga tawo.

Nisaad usab siya nga mahatagan og hustisya ang mga sad-an aron sila adunay tulubagon.

Sa pagkakaron wala pa’y grupo nga niangkon nga mao’y responsable sa mga pagpabuto.